Фото: La Nation
Коста-Риканинг Соҳилни қўриқлаш хизмати қарийб икки тонна кокаинни олиб кетаётган кемани қўлга олди. Бу ҳақда La Nation хабар бермоқда.
Нашр маълумотларига кўра, кема Коста-Рика қирғоқларидан тахминан 150 километр узоқликда, Тинч океанида тутиб олинган.
Қайд этилишича, кокаинли кема АҚШ ҳукумати ёрдамида қўлга олинди.
Шу билан бирга, Колумбия фуқаролари бўлган кеманинг экипаж аъзолари ҳам ушланди.
Аввалроқ, Буюк Британиянинг чегара хизмати 1,6 тонна кокаинни олиб кетаётган яхтани мамлакат қирғоқларида қўлга олгани хабар қилинганди.
Таъкидланишича, яхта Англия қирғоқлари яқинида, Ла-Манш бўғозида ушланди.
