"Қазиш ишлари натижага эришилмагунча давом эттирилади. Биз бўлажак топилмалар Кафр-аш-Шайх тарихида янги саҳифани очади деган фикрдамиз", — деди Кафр-аш-Шайх археология бошқармаси директори Абдул Носир Хигёзий.
Кафр-аш-Шайх вилоятининг Талл-ал-Фараин туманида қадимда иккита шаҳар ва йирик диний марказ бўлган. Бу ерда 1988 йилда қазиш ишлари вақтида маъбуда Уажет ибодатхонаси топилган. Тарихчи Геродот бу ерда учта ибодатхона бўлганини ёзган, шу боис археологлар яқин вақт ичида бу ибодатхоналар жойлашган ерларни топишга умид қилишмоқда.
