Италиянинг Генуя шаҳрида кўприкнинг қулаши оқибатида ҳалок бўлганлар сони 41 кишига етди. Бу ҳақда ANSA хабар бермоқда.
Аниқлик киритилишича, ҳалок бўлганларнинг сони ортган, чунки қутқарувчилар вайроналар остида автомобилни топишган, унинг ичида ота-она ва уларнинг тўққиз ёшли ўғли бўлган. Айни пайтда автомобиль кўприги қулаган жойда қидирув ишлари давом этмоқда.
Аввалроқ, кўприк қулаши юз берган Италиянинг Генуя шаҳри бош прокурори Франческо Коцци 20га яқин одам бедарак йўқолгани ҳақида маълум қилганди.
