Амир Темур кўчасининг бир қисми транспорт ҳаракати учун вақтинчалик ёпилди

Фото: KUN.UZ

Амир Темур кўчасида асфальт ётқизилиши муносабати билан у ердаги транспорт ҳаракати вақтинчалик тўхтатилди. Тошкент шаҳар ҳокимлиги матбуот хизмати шу ҳақида хабар берди.

"Ҳурматли ҳамшаҳарлар ва пойтахтимиз меҳмонлари!

Бугун 26 август куни Амир Темур кўчасида (собиқ “Қозоғистон” кинотеатри атрофида) асфальт ётқизилиши муносабати билан йўл ҳаракати фаолияти вақтинчалик тўхтатилади.

Келтирилган ноқулайликлар учун узр сўраймиз", дейилади хабарда.