Эрон Аҳвоздаги теракт ташкилотчиларини бомбардимон қилди

Фото: AFP

Эрон Суриядаги Фурот дарёсининг шарқий қирғоғида Аҳвоздаги теракт ташкилотчилари объектларига ракета зарбаларини берди. Бу ҳақда Fars агентлиги хабар тарқатди.

Ҳужум 1 октябрь куни тунги соат иккилар атрофида амалга оширилди. Таъкидланишича, зарба Ислом инқилоби қўриқчилари корпуси - Эрон Қуролли кучларининг нуфузли қисмлари томонидан берилган. Агентлик маълумотларига кўра, зарбаларни бериш чоғида баллистик ракеталардан фойдаланилди.

Учирилган ракеталарнинг аниқ сони номаълум. Ҳужум натижасида кўплаб террористлар йўқ қилинди, жабрланганлар ҳам борлиги айтилмоқда.

Эслатиб ўтамиз, аввалроқ Эрон АҚШ санкцияларига қарши чиқишда давом этишини маълум қилганди.

Эрон ташқи ишлар вазири Муҳаммад Жавод Зарифнинг маълум қилишича, мамлакат АҚШ санкцияларига қарши чиқишда давом этади.

#теракт #Эрон #Сурия #Аҳвоз