Барча Android қурилмалар фойдаланувчилари кузатув қурбонига айланган бўлишлари мумкин

Nightwatch Cybersecurity компанияси мутахассислари Android қурилмалардаги хавфли камчилик ҳақида хабар беришди. Ташкилот веб-сайтидаги хабарга кўра, хакерлар уни ишлатган ҳолда фойдаланувчиларнинг ҳаракатини кузатиши мумкин бўлган.

Хакерлар Wi-Fi маршрутизатори орқали камчиликдан фойдаланишлари мумкин. Сигнал етиб борувчи барча қурилмалар кўриш зонасига киради.

CVE-2018-9581 деб номланган камчилик RSSI тизимида аниқланган. У қабул қилинувчи сигнал даражасини аниқлайди. Бундан ташқари, RSSI ушбу маълумотни бошқа дастурларга юборади.

Камчилик туфайли бошқа иловалар қабул қилинувчи сигнал тўғрисида барча маълумотни олиши ва фойдаланувчи маршрутизаторга нисбатан қаерда жойлашганлигини аниқлаши мумкин.

Мутахассислар сўзларига кўра, бу камчилик Android операцион тизимининг барча версияларида мавжуд. 

Эслатиб ўтамиз, аввалроқ банкоматлардан пул ўғирлайдиган жуда кучли восита фош этилганди.