Венесуэлада колумбиялик оғуфурушларнинг 4 та самолёти уриб туширилди

Венесуэла президенти Николас Мадуро охирги 15 кун ичида колумбиялик оғуфурушларнинг 4 та самолёти уриб туширилганини маълум қилди. 

“Бу 15 кун ичида Венесуэла осмонида парвоз қилмоқчи бўлган, бироқ боливар ҳарбий-ҳаво кучларига тўқнаш келган Колумбия наркотрафигининг 4 та самолёти уриб туширилди”, деб айтган Мадуро давлат телевидениеси орқали.

Унинг айтишича, мамлакат ҳарбий-ҳаво кучларининг бу ҳаракатлари миллий ҳукумат томонидан Венесуэла ҳудудидаги ноқонуний кучларга қарши олиб борилаётган ишдан дарак беради.

Мадуро 2013 йилда наркомафиянинг Венесуэла ҳудудидан учиб ўтувчи ҳар қандай самолёти уриб туширилишига ижозат берувчи қонун меъёри тасдиқланганини маълум қилганди. Бу қонун лойиҳасини ишлаб чиқишни собиқ президент Уго Чавес таклиф қилган, сўнгра парламент ҳужжатни маъқуллаган.