Business Insider британ нашри дунёдаги энг яхши смартфонлар рейтингини тузди. Унга АҚШ, Хитой ва Жанубий Корея компанияларининг 20 та модели киритилган.
1-ўринни кутилмаганда Хитойнинг OnePlus 6T смартфони эгаллаган. Смартфон Snapdragon 845 процессорида ишлайди.
2-ўринни Apple iPhone XR эгаллаган, мутахассислар унинг катта экрани ва юқори кўрсаткичларини қайд қилиб ўтишган.
3-ўринни Google Pixel 3 ва Pixel 3 XL смартфонлари эгаллаган.
Рейтингнинг 4- ва 5-ўринларга мос равишда Samsung Galaxy Note9 ва iPhone XS ҳамда iPhone XS Max қўйилган.
Getty
Шунингдек, рейтингга LG V40, iPhone X, Samsung Galaxy S9 Plus, iPhone 8 Plus, Samsung Galaxy S9, Huawei Mate 20 Pro, iPhone 8, LG G7, Razer Phone 2, HTC U12+, Galaxy S8 ва S8 Plus, iPhone 7 Plus, Motorola Moto G6, Motorola Moto Z3 ва BlackBerry Key2 киритилган.
