Фото: EPA-EFE
"Толибон" ҳаракати аъзоларининг Афғонистон шимоли-шарқидаги Тоҳар вилояти Янги-қалъа туманидаги бозорга ҳужум қилишлари оқибатида уч киши ҳалок бўлди. Бу ҳақда маҳаллий ҳокимият вакилларига таяниб "Синьхуа" агентлиги хабар берди.
Агентликнинг маълумотларига кўра, толиблар эрталаб туман марказидаги бозорга ҳужум қилишган. Ҳужум хавфсизлик кучлари томонидан қайтарилган.
Хабар берилишича, етти киши жароҳатланган.
1 март куни Афғонистон жанубидаги Гилманд вилоятида жойлашган ҳарбий базага жангарилар ҳужуми оқибатида хавфсизлик кучларининг камида 40 ходими ҳалок бўлганди.
