Якка тартибдаги тадбиркорларга такси хизматларини кўрсатишга рухсат берилади

Ўзбекистон Республикаси президенти “Юк ва йўловчи ташиш тизимини тубдан такомиллаштириш чора-тадбирлари тўғрисида”ги қарорни имзолади. Ҳужжатда айтилишича, якка тартибдаги тадбиркорларга такси хизматларини кўрсатишга рухсат берилади.

Хусусан, Ўзбекистон Республикаси Транспорт вазирлиги бир ой муддатда:

Давлат солиқ қўмитаси билан биргаликда якка тартибдаги тадбиркорларга рухсат бериш тартиботларини соддалаштириш ва минималлаштириш мақсадида ахборот-коммуникация технологияларини жорий этган ҳолда енгил автомобилларда йўловчиларни ташиш фаолиятини амалга ошириш ҳуқуқини бериш ҳақидаги таклифларни Вазирлар Маҳкамасига киритади.

Ҳозирги кунда фақат юридик шахслар ушбу фаолият тури билан шуғулланиши мумкин.

Бундан олдин, таксилар «Тўхташ тақиқланган» белгиси амал қилувчи жойда тўхташи мумкин бўлиши хабар берилганди.

Шунингдек, Тошкентда қонуний асосда ишловчи таксилар сони маълум қилинди.