Фото: China Daily
Эверест тоғи ёнбағрида австралиялик альпинист беҳуш ҳолда топилди ва Непалдаги касалхоналардан бирига ётқизилди, деб хабар берди ABC телеканали Австралия ташқи ишлар ва савдо вазирлигига таяниб.
ОАВнинг маълум қилишича, тибетлик қутқарувчилар альпинистни 7,5 минг метр баландликда, Эверест тоғи ёнбағрида топишган. У оғир аҳволда бўлган.
Аввалроқ Himalayan Times газетаси Непал туризм департаменти вакилига таяниб, май ойи бошидан буён Эверестда камида 10 киши ҳалок бўлганини ёзганди.
Непал ОАВнинг ёзишича, альпинистларнинг ҳалокатига ўта оғир об-ҳаво шароити ва йўналишларида учрайдиган "тирбандликлар" сабаб бўлган.
