Путиннинг буйруғи билан марказий ҳарбий округ қўшинлари юқори даражадаги жанговар шай ҳолатга келтирилди

Марказий ҳарбий округда (Сибир, Урал ва Волгабўйи федерал округларидаги ҳарбий қисмларни бирлаштиради) жанговар тайёргарлик ҳолати кутилмаганда текширувдан ўтказилди. Шу муносабат билан марказий ҳарбий округ қўшинлари юқори даражадаги жанговар тайёргарлик ҳолатига келтирилди, деди Россия мудофаа вазири Сергей Шойгу. 

Унинг сўзларига кўра, текширув Россия президенти Владимир Путин қарорига мувофиқ ўтказилган.

«Ушбу тадбир қуролли кучларнинг терроризм кўринишидаги жиддий таҳдидлар сақланиб турган Марказий Осиёдаги ҳарбий хавфсизликни таъминлаш салоҳиятини баҳолашга қаратилган», — деди Шойгу.

Мудофаа вазирининг сўзларига кўра, шу билан бирга, Жанубий ва Шарқий ҳарбий округлардаги айрим ҳарбий қисмлар, ҳарбий десант қўшинлари, ҳарбий транспорт авиацияси ҳам жанговар шай ҳолатга келтирилган.