Россияда ҳибсда бўлган украиналик денгизчиларнинг ватанларига қачон қайтишлари айтилди

Фото: ИЗВЕСТИЯ/Дмитрий Коротаев

Керчь бўғозида қўлга олинган украиналик денгизчилар Украина омбудсмени Людмила Денисованинг шахсий кафиллиги остида қўйиб юборилиши мумкин. Бу ҳақда экипаж аъзоларининг адвокати Николай Полозов маълум қилди.

Унинг сўзларига кўра, денгизчилар октябрга қадар озод қилиниши мумкин.

Адвокатнинг айтишича, Киев ФХХ тергов бошқармасига денгизчилар ватанларига қайтганидан сўнг суд ва тергов ҳаракатларида қатнашишига ёзма кафолат берган. Агарда сўровнома қондирилса, экипаж аъзолари озод қилинади.

Дипломатик доирадаги манбалардан бирининг айтишича, Россия томони қўлга олинган денгизчиларни қўйиб юборишга тайёр.