Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси ва Хитой Халқ Республикаси Бош божхона бошқармаси ўртасида Ўзбекистондан Хитойга қуритилган қалампир экспорт қилиш бўйича фитосанитария талаблари тўғрисида Баённома имзоланди. Бу ҳақда «Ўздавкарантин» инспекцияси ахборот хизмати хабар бермоқда.
Хитой томони талабига кўра, қалампир маҳсулотларини ХХРга экспорт қилишга тегишли рухсатномани олиш учун экспорт қиладиган тадбиркорлик субъектлари реестрини шакллантириш ва Хитой томонига тасдиқлаш учун ҳар йили экспорт мавсуми бошланишидан камида 2 ой олдин жўнатиш талаб қилинади.
Шу муносабат билан, ушбу реестрни шакллантириш учун республикадаги экспорт қилувчи корхоналар томонидан тегишли маълумотлар ўз вақтида Инспекцияга тақдим этилиши лозим.
Юқоридагилардан келиб чиқиб, мамлакатдаги қишлоқ хўжалиги маҳсулотлари экспорти билан шуғулланувчи тадбиркорлик субъектлари Хитой томонидан қўйилаётган талаблар билан ушбу ҳавола орқали танишиши мумкин.
