Фото: Казинформ
Дариға Назарбоева Қозоғистон Сенати спикери лавозимига номзод қилиб кўрсатилди, дея хабар беради «Казинформ».
Унинг номзоди Қозоғистон Республикаси президенти Қосим-Жомарт Тоқаев томонидан илгари сурилган. «Дариға Нурсултоновна Назарбоевани Қозоғистон Республикаси парламенти Сенатининг раиси этиб сайлашингизни сўрайман», - дея Қосим-Жомарт Тоқаев номидан матнни Қозоғистон Республикаси парламенти Сенати мажлисида президент Администрацияси раҳбари Кримбек Кушербаев ўқиб эшиттирган.
Дариға Назарбоева 12 август куни Сенат депутати этиб қайта тайинлангани сабабли янги овоз бериш жараёни ўтказилди.
Бугун, палата мажлисидаги яширин овоз бериш пайтида Сенатнинг 48 депутати унинг номзоди учун овоз берди.
