Туркия ҳукумати ФЕТО ташкилоти билан алоқадорликда гумонланаётган 223 нафар ҳарбийни ҳибсга олишга рухсат берди. Бу ҳақда Reuters агентлиги хабар қилди.
Хабарда айтилишича, Туркия ҲҲК, ҲДК ва қуруқликдаги қўшинлари ҳарбийларини ҳибсга олиш учун ордерлар берилган.
2016 йил 15 июлда Туркия қуролли кучларининг бир гуруҳ аскар ва офицерлари давлат тўнтаришини амалга оширишга уринганди. Анқара мазкур уринишда ФЕТО ташкилотини ҳамда ушбу ташкилотнинг АҚШда яшайдиган раҳбари Фатҳуллоҳ Гуленни айбламоқда.
ФЕТО билан алоқадорликда гумонланиб минглаб киши ҳибсга олинган, ўн минглаб кишилар давлат тузилмаларидаги ишларидан бўшатилган.
