Хитой «Ўзбекистон-Қирғизистон-Хитой» янги темир йўлининг бир нечта вариантини таклиф қилди
Транспорт вазирлигида Хитой Халқ Республикасининг ислоҳотлар ва ривожланиш бўйича давлат қўмитасининг чет эл капитали ва хорижий инвестициялар департаменти бош директори ўринбосари Чжэн Чипинг бошчилигидаги делегация аъзолари билан учрашув бўлиб ўтди.
Учрашув давомида “Ўзбекистон-Қирғизистон-Хитой” темир йўл лойиҳасини амалга ошириш юзасидан муҳокамалар ўтказилган. Хитой томони мазкур темир йўл линияси ўтиши мумкин бўлган ҳудудлар бўйича ўз таклифларни билдирди.
Томонлар ушбу темир йўл линияси нафақат бир давлат учун балки бутун минтақа ривожи ва тараққиётида муҳим аҳамиятга эга эканлигини таъкидлаб ўтишди. Шунингдек, мамлакатлар ўртасида мультимодаль ташувлар ҳажмини кўпайтириш, ҳамкорликда автомобиль ташувларини фаол ривожлантириш масаласи муҳокама қилинди.
Эслатиб ўтамиз, янги темир йўл Хитойдан Европа ва Яқин Шарқ мамлакатларига энг қисқа йўл ҳисобланади. Мавжуд йўналишларга нисбатан масофа 900 км.га, юкларни етказиб бериш муддати 7-8 кунга қисқаради. Мутахассислар фикрига кўра, йилига камида 5 миллион тонна юк ташиш йўлни қуриш учун кетган харажатларни тўлиқ қоплайди.
Мавзуга оид
19:06 / 23.08.2024
Тошкент ва Москва ўртасида темирйўл қатновлари тикланади
18:47 / 05.08.2024
Хитойдан Ўзбекистонга юклар поезд орқали рекорд даражада тез етказилди
18:40 / 15.06.2024
«Хитой - Қирғизистон - Ўзбекистон» темирйўли харитаси тузилди
22:07 / 17.05.2024