Чемпионлар лигасининг бу мавсумида «Галатасарой» жуда ғариб кўринмоқда. Ёзда Радамель Фалькао билан таркибни кучайтирган Фотиҳ Терим жамоасидан «Реал» ва «ПСЖ» каби грандлар билан бир гуруҳда бўлса-да бошқа натижа кутилганди. Аммо истанбулликлар 4 ўйинда битта ҳам гол ура олишмади ва бир очко билан сўнгги ўринда жойлашишди.
Терим ўйиндан олдин матбуот вакилларини бу ўйин финалга тенг бўлишига, «Галатасарой»нинг йўқотадиган ҳеч нарсаси йўқлиги ва жамоа ғалаба учун қўлидан келган барча ишни қилишига ишонтирганди. Аммо 14-дақиқадаёқ учрашув ғолиби қайси жамоа бўлиши ойдинлашиб қолди.
Афтидан Зинедин Зидан бошчилигидаги «Реал» аста-секин ўзига келмоқда. Бу турда энг кўп голни ушбу жамоа урди. Энди жамоа Чемпионлар лигаси плей-офф босқичига чиқишига ҳеч ким шубҳа қилмайди.
«ПСЖ» — «Брюгге» — 1:0 (Икарди, 21)
Тумас Тухель жамоаси амалда учинчи турдан кейиноқ плей-офф йўлланмасини ҳал қилиб қўйганди, аммо назарий жиҳатдан интрига сақланиб қолганди. Ҳеч ким «ПСЖ» ўз майдонида «Брюгге»га ютқазиши ҳақида ўйламаётганди. Гарчи бельгияликлар «Сантьяго Бернабеу»да қаҳрамонлик кўрсатишган бўлишса-да, учинчи турда французлар қаршисида ожиз қолишганди.
Париждаги жавоб ўйини ҳам ўхшаш сценарий билан бошланди: «ПСЖ» катта куч сарфламасдан яхшигина вазиятларга эга бўлди ва фақат улардан биттасидан фойдаланди. Икарди одатдаги ишини қилди - гол урди.
Иккинчи бўлим зерикарли кечди. Мезбонлар ортиқча куч сарфлашни исташмади, меҳмонларнинг қўлидан ҳеч нарса келмади. «ПСЖ» расман ЕЧЛ плей-офф босқичига чиқди.
Мавзуга оид
B гуруҳи
«Бавария» — «Олимпиакос» — 2:0
(Левандовски, 69. Перишич, 89)
«Бавария» футболчилари ҳам раҳбарият билан биргаликда Нико Ковач кетишини истагани табиий, аммо Чемпионлар лигасидаги натижалар учун ундан миннатдор бўлса арзийди. Уч турдаги уч ғалаба мюнхенликларга қолган турлардаги натижалардан кўпам қайғурмасдан ўйнашга имкон берди, жамоа «Олимпиакос»га қарши ўйинга хотиржам ҳолда тушиб келди.
Греклар жамоаси учун бу ўйин жуда муҳим эди. «Олимпиакос» гуруҳда сўнгги ўринни эгаллашни ва Европа Лигасидан қуруқ қолишни истамаяпти.
Ковачсиз «Бавария» ўйиннинг дастлабки 20 дақиқалигида ўз ўйинини тополмади. Лекин кейин жамоа тўпни ўз назоратига олди, Левандовски эса янги рекордлар сари ҳаракат бошлади. У, Коман ва Киммих биринчи бўлимдаёқ гол уришлари мумкин эди, аммо бу вазиятларда «Олимпиакос»нинг омади келди.
Танаффусдан кейин эса «Бавария»ни тўхтатиб бўлмай қолди. Якунда — ишончли ғалаба ва Левандовскининг янги рекорди.
У 2019 йилда 39 гол уришга улгурди — бу Европадаги исталган футболчининг натижасидан яхшироқ.
«Црвена Звезда»га қарши биринчи ўйинда Маурисио Почеттино жамоаси ҳужум чизиғидаги комбинацияларни яхшилаб ўзлаштирганди. Инглизлар Лондондаги ўйинида бешта гол уришган, аммо серблар ўз майдонида мудофаада жуда яхши ҳаракатланиши кутилганди. Лондонликлар бу мавсумда сафарда ўзларини яхши ҳис қила олишмаяпти. Шу туфайли жамоа АПЛда 11-ўринда бормоқда. Бу ўйиндаги мағлубият жамоани иккинчи ўриндан ҳам тушириб юбориши мумкин эди.
«Тоттенҳэм»нинг биринчи голи — жуда ажабтовур чиқди. Худди бунақаси фақат компьютер ўйинларида бўладигандек эди.
Ўз навбатида «Црвена Звезда» ҳам биринчи бўлимда бир неча қулай вазиятга эга бўлди, аммо Пауло Гассанига «Тоттенҳэм»ни қутқарди.
Танаффусдан кейин эса лондонликлар жуда тезлик билан иккинчи голни ҳам уришди. АПЛ доирасида «Эвертон»га қарши ўйинда Андре Гомешга қўполлик қилгач, рақиб футболчиси оғир жароҳат олганидан кейин айбдорлик ҳиссидан бир муддат тушкунликка тушиб қолган кореялик ҳужумчи Сон Ҳёнг Мин телефонини ўчириб ташлаган ва руҳшунос қабулида бўлганди. У Белграддаги ўйин қаҳрамони бўлди (ҳолбуки Почеттино унинг ҳолатини ҳисобга олиб уни сафар ўйинига олиб кетмаслик ҳақида ҳам ўйлаганди), биринчи голда ҳам иштирок этган ҳужумчи иккинчи бўлимда 4 дақиқа ичида дубль қайд этди. У Аллининг пасидан кейин урган биринчи голини нишонламади, камера қаршисига келди ва Гомешдан узр сўради.
How could anyone even dislike the human being which is Tottenham Hotspur’s Heung-Min Son. 💙👏🏻
«Манчестер Сити» хотиржамлик билан ғалаба қозониши кутилган ўйин турнинг энг қизиқ ўйинларидан бирига айланди. 81-дақиқада, ҳисоб 1:1 кўринишида эканида инглизлар жамоаси дарвозабони Клаудио Браво қизил карточка олди — у Чемпионлар лигаси тарихидаги захирадан тушиб майдондан четлатилган илк дарвозабонга айланди. Гвардиолада дарвозабон қолмаганди, чунки Эдерсон биринчи бўлимда жароҳат олиб алмаштирилганди. Натижада дарвозани ҳимоячи Кайл Уокер қўриқлайдиган бўлди.
Қизиқ жиҳати, у майдонга хавфли жарима зарбаси ижро этилиши арафасида туширилди (Браво яккама-якка вазиятга чиқиб келган рақибни жарима майдони ташқарисига чиқиб тўхтатганди). Уокер эса рақибнинг аниқ зарбасини аввал қайтариб, кейин тўпни ушлаб олди.
Қолган 10 дақиқа давомида уни бир неча бор безовта қилишди, ижтимоий тармоқларда Эдерсон ва Браво ўйин давомида бирорта сэйв қилмагани, Уокер эса дарвозасини голдан сақлаш учун жонбозлик қилаётгани тўғрисида ҳазиллар ёзилди.
«Манчестер Сити»ни бу дуранг ранжитмагани аниқ. Чемпионлар лигаси гуруҳ босқичида бу жамоага рақиб йўқ. Лекин Эдерсоннинг жароҳати Гвардиолани ташвишга солгани аниқ - АПЛда навбатдаги ўйин «Ливерпуль»га қарши кечади. Ахир у чемпионлик учун асосий рақибга қарши ўйинда дарвозани Уокерга топшира олмайди-ку?
Ўйин якунида даҳшатли воқеалар рўй берди. 80-дақиқада ўйинда бурилиш юз берди, ҳакам ҳар икки жамоанинг биттадан футболчисини четлатди, бу икки жамоанинг кучига куч қўшди. Хорватлар қарши ҳужумда икки гол уриб, ғалабани чўнтакда ҳис қила бошлашди.
Аммо ўйинга қўшиб берилган дақиқаларда хорватлар аввалига жарима майдонида Мораесни қўриқлай олишмади, кейин аҳмоқона пенальти рўй берди.
Ҳакам ҳатто видеотакрорга мурожаат қилишга мажбур бўлди ва украинлар дарвозабони Пятовга қарши қўполлик қилинган деб топиб, «нуқта»ни кўрсатди.
«Шахтёр» дуранг эвазига гуруҳдаги иккинчи ўринни сақлаб қолди.
Ўйиннинг илк дақиқалариданоқ «Атлетико» Германияга дуранг учун келганини намойиш қила бошлади. Испанлар жамоаси футболчилари бутун таркиб бўлиб «Байер»нинг ҳужумларини бузиш билан шуғулланди, ўзлари эса майдоннинг иккинчи қисмига ўтишга шошилишмади. Мадрид клуби ўз майдонида «Байер»га қарши кечган биринчи учрашувда ҳам шу услубда ҳаракат қилган, лекин минимал ғалабага эришганди. Иккинчи ўйинда улар осонлик билан мақсадга эриша олмаслиги аввалбошданоқ кўриниб турганди.
Петер Бош жамоаси эса охиригача курашмоқчи ва Европа Лигаси йўлланмасини «Локомотив»га бой бериб қўймоқчи эмас.
«Байер»нинг биринчи гол кулгили тарзда урилди. Тўп Томас тўпга нотўғри тегиниши оқибатида Облак қўриқлаётган дарвозага бориб тушди.
Танаффусдан кейин ҳам «Атлетико» ўз услубини ўзгартирмади ва иккинчи голни қабул қилиб олди. Бош вазминлик билан ўйинни давом эттирди, мадридликлар эса кеч уйғонишди. «Атлетико» иккинчи голни ўтказгач ўйинни кучайтира бошлади, Лемар ва Корреа хавфли зарбалар йўллади. Аммо кейин яна ўйин темпи пасайди. Жамоа ўйин якунида бор кучи билан яна бир бор олдинга ташланди ва бу Моратанинг голи билан якунланди.
«Байер» «Атлетико»ни нафақат ишонч билан мағлуб этиш мумкинлиги, балки бунга ортиқча куч сарфламасдан эришиш мумкинлигини ҳам кўрсатиб қўйди.
Энди гуруҳда вазият бундай: «Ювентус» (10 очков), «Атлетико» (7), «Локомотив» (3), «Байер» (3). Москваликларда назарий жиҳатдан иккинчи ўрин учун ҳам имкон бор: бунинг учун кейинги икки ўйинда 6 очко олиши керак («Байер»ни уйда қабул қилади, «Атлетико»га меҳмон бўлади, лекин бу ўйинда тўплар нисбати устунлиги учун испанларни 3 гол фарқи билан мағлуб этиш талаб этилади).
