Чикагодаги отишма оқибатидан ўндан зиёд киши яраланди

АҚШнинг Иллинойс штати Чикаго шаҳридаги уйлардан бирида юз берган отишмаларда камида 13 киши яраланган, деб хабар қилмоқда ABC7 телеканали маҳаллий полиция маълумотларига таянган ҳолда.

Полиция маълумотларига кўра, отишма турар жойлардан бирида тунги базм чоғида рўй берган бўлиши мумкин. Отишма чоғида 13 киши яраланган ва уларнинг барчаси маҳаллий касалхоналарга етказилган. Улардан бири 16 ёшдаги бола эканлиги маълум қилинмоқда. Яраланганлардан икки нафарининг аҳволи оғир.