ИИВ расмийсининг қайд этишича, имтиҳон белгиланган тартибда ўтган ва ҳеч қандай кўнгилсизлик юз бермаган.
2 сентябрда тестда қатнашиши режалаштирилган 118 500 абитуриентнинг 112 188 нафар абитуриент имтиҳонда қатнашган. 6 312 нафар абитуриент эса турли сабабларга кўра имтиҳонга келмаган.
«Қайта-қайта огоҳлантиришларга қарамай абитуриентлар ўзлари билан имтиҳон ҳудудига турли электрон воситалар ва шпаргалкалар олиб киришга уриниши ҳолатлари кузатилди.
Бугун 59 нафар абитуриент кириш имтиҳонларидан четлаштирилди. Уларнинг 33 нафари қўл телефонлари, 4 нафари қўлбола ясалган электрон қурилмалар, 5 нафари шпаргалка билан киришга ҳаракат қилган, яна 5 нафари бошқа абитуриент ўрнига киришга уринган», – деб маълум қилди Шоҳрух Ғиёсов.
