Халқ депутатлари Оҳангарон тумани кенгашининг навбатдан ташқари сессияси бўлиб ўтмоқда. Бу ҳақда Тошкент вилояти ҳокимлиги хабар берди.
Қайд этилишича, сессия ишида вилоят ҳокими Рустам Холматов, вилоят сектор раҳбарлари иштирок этмоқда.
Вилоят ҳокими туман ҳокими лавозимига Абдурасул Абдуллаев номзодини тавсия қилди. Ушбу номзод сессия иштирокчилари томонидан тасдиқланди.
Абдурасул Абдуллаев 1968 йил Қашқадарё вилоятининг Китоб туманида туғилган. 1991 йили Тошкент Халқ хўжалиги институтини тамомлаган.
Марказий банк Самарқанд вилояти Бош бошқармаси бошлиғи, «Ипотека-банк» АТИБ бошқаруви раиси, «Ўзсаноатқурилишбанк» ОАТБ бошқаруви раиси сифатида ишлаган. 2014 йилда Ўзбекистон Республикаси акциядорлик тижорат Халқ банки бошқаруви раиси этиб тайинланган. 2019 йилда у Ветеринария ва чорвачиликни ривожлантириш давлат қўмитаси раиси ўринбосари — «Ўзбекчорванасл» агентлиги директори этиб тайинланган.
Оҳангарон туманига 2019 йил ёзидан буён Абдувоҳид Турдибоев ҳокимлик қилиб келаётганди.
Эслатиб ўтамиз, 15 сентябрь куни Пискент тумани «тўртлиги» иш фаолиятида йўл қўйган камчиликлари учун ишдан олинганди.
