Қўшимча функционаллар
-
Тунги кўриниш
Энди иш ҳақи ва иш стажини тасдиқлаш тўғрисидаги архив маълумотномасини онлайн олиш мумкин
Эндиликда иш ҳақи ва иш стажини тасдиқлаш тўғрисидаги архив маълумотномасини олиш янада қулай ва ортиқча оворагарчиликсиз амалга оширилади, деб хабар бермоқда Ягона интерактив давлат хизматлари портали.
«Агар сиз олдинлари узундан-узун навбатда туришлар эвазига архив маълумотномасини олиш учун ариза қолдириб, камига турли ташкилотлар орасида сарсон юрган бўлсангиз, энди уйингиздан чиқмасдан туриб саноқли дақиқалар ичида буни амалга оширишингиз мумкин», - дейилади хабарда.
Қайд этилишича, бунинг учун дастлаб Ягона порталда рўйхатдан ўтиш, «Маълумотномалар» бўлимидан «Иш ҳақи ва иш стажини тасдиқлаш тўғрисидаги архив маълумотномасини олиш» хизматини топиш ва меҳнат фаолиятини юритган давр ҳақидаги маълумотлар асосида сўровномани тўлдириб, юбориш тугмасини босиш керак.
Мазкур давлат хизматидан фойдаланиш бепул, шунингдек, ЭРИ ҳам талаб этилмайди.
Сўровнома келиб тушган вақтдан бошлаб иш стажини тасдиқлашга оид маълумотномалар учун — 5 иш куни, иш ҳақини тасдиқлашга оид маълумотномалар учун — 20 иш кунидан ошмаган муддатда тегишли QR-кодли маълумотнома шакллантирилади ҳамда ЯИДХП орқали электрон шаклда юборилади.
Мавзуга оид
15:41 / 24.11.2023
Жисмоний ва юридик шахсларга маълумотномалар бериш бўйича давлат хизмати кўрсатилади
10:52 / 04.10.2022
Руҳий касаллик бўйича диспансер ҳисоби тўғрисидаги маълумотномани олиш тартиби тушунтирилди
09:53 / 23.09.2022
Доимий яшаш жойи бўйича маълумотномани олиш тартиби айтилди
09:52 / 03.09.2022