7 апрелдан Тошкент шаҳрида иситиш мавсуми якунланади

Жорий йилнинг 5 апрел куни Тошкент шаҳар ҳокимининг “Тошкент шаҳрида 2020-2021 йилдаги иситиш мавсумини якунлаш тўғрисида”ги қарори қабул қилинди.

Пойтахт ҳокимлиги хабарига кўра, қарорга мувофиқ 7 апрелдан Тошкент шаҳрида марказлашган иссиқлик таъминотидан фойдаланувчилар учун иситиш мавсуми якунланади.

Қайд этилишича, шундан сўнг навбатдаги, 2021-2022 йилги куз-қиш мавсумига тайёргарлик кўриш ишлари белгиланган тартибда бошланади.

Эслатиб ўтамиз, Тошкент шаҳар ҳокими қарорига асосан 2020 йил 15 октябр кунидан пойтахтда иситиш мавсуми бошланганди.

Иситиш мавсумига ўтиш 2 босқичда амалга оширилди. Биринчи босқичда – ижтимоий соҳа объектларида (мактабгача таълим, халқ таълими ва соғлиқни сақлаш муассасаларида), иккинчи босқичда – кўп қаватли уй-жойлар ва маъмурий биноларда.