Анвар Асамов Ўзбекистон қишлоқ хўжалиги вазири ўринбосари – Озиқ-овқат саноатини ривожлантириш бош бошқармаси бошлиғи лавозимига тайинланди.
Вазирлик ахборот хизмати хабарига кўра, Анвар Асамов 1976 йил Тошкент шаҳрида туғилган. Тошкент давлат шарқшунослик институтини тамомлаган.
У Давлат Божхона қўмитасида Божхона статистикаси ва таҳлил маркази бошлиғи ўринбосари, президент Ижро этувчи аппарати бош консультанти, Давлат божхона қўмитаси раисининг биринчи ўринбосари лавозимларида фаолият юритган.
А.Асамов 2020 йилдан буён Ўзбекистон Республикаси инвестициялар ва ташқи савдо вазири ўринбосари лавозимида ишлаб келаётган эди.
