Сурхондарёда фермернинг ерини 120 миллион сўмга сотаётган шахс ушланди
Сурхондарёда фермерлардан бирига тегишли бўлган 40 сотих ерни 120 миллион сўмга сотаётган фирибгар ушланган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Маълум қилинишича, Бош прокуратура ҳузуридаги Департаментнинг Бандихон туман бўлими томонидан ўтказилган тезкор тадбирда, фуқаро А.Ж. шу туманда фаолият олиб борадиган «Я.Н.» фермер хўжалиги ҳудудидан ер сотаётганда ушланган.
Қайд этилишича, А.Ж. фуқаро С.нинг ишончига кириб, «Я.Н.» фермер хўжалиги ҳудудидан 40 сотих ер майдонини шахсий томорқа сифатида фойдаланиш учун олиб бериб, танишлари орқали унинг номига расмийлаштириб бериш эвазига 120 миллион сўмни фирибгарлик йўли билан олган вақтида ашёвий далиллар билан ушланган.
Таъкидланишича, мазкур ҳолат юзасидан А.Ж.га нисбатан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга оид
13:41 / 02.10.2024
Деҳқоннинг “уйи куйди”: Кегейлида 14 гектар пишай деб турган шоли даласи бузиб ташланди
19:46 / 30.09.2024
Сенат кооперативлар бўйича қонунни маъқуллади
19:17 / 30.09.2024
Бунақада соҳада ким қолади? Янгибозор ҳокими мисолида деҳқонларга муносабат
21:29 / 25.09.2024