Бугун, 22 май куни соат 06:00да Қашқадарё вилояти Чироқчи тумани, “Навоий” МФЙ ҳудудидан ўтувчи 4P-84 “Яккабоғ-Чироқчи” автомобил йўлининг 29-километрида ҳаракатланиб кетаётган “Нексия” автомобилида ўрнатилган газ баллони портлаб кетган.
Фавқулодда вазиятлар вазирлиги хабарига кўра, ҳодиса оқибатида автомобил ичида бўлган 2 нафар фуқаро воқеа жойида вафот этган ҳамда 1 нафар фуқаро тан жароҳати олиб, туман шифохонасига ётқизилган.
Aйни вақтда, вилоят ИИБ, ФВБ, ССБ ва прокуратура ходимлари томонидан ҳолат юзасидан дастлабки терговолди суриштирув ишлари олиб борилмоқда.
— Муаллиф фикри таҳририят нуқтаи назарини ифода қилмаслиги мумкин.
— Таҳририят бу мавзу бўйича иккинчи томоннинг фикрларига ҳам минбар беришга тайёр
