Самарқанд вилояти Иштихон туманида давлат аҳамиятидаги йирик ҳажмли юклар ўтказилиши сабабли М37 халқаро автомобил йўлини кесиб ўтган линияларда электр вақтинчалик узиб турилади. Бу ҳақда туман ҳокимлиги ахборот хизмати хабар бермоқда.
Фото: Сергей Мальгавко
Маълум қилинишича, М37 Самарқанд-Бухоро-Туркманбоши халқаро автомобил йўлининг Иштихон тумани ҳудудидан ўтган қисмидан Бухоро-Тошкент йуналиши бўйлаб баландлиги 6 метр, узунлиги 20 метрдаги оғир юк автомобиллари ўтиши сабабли ушбу йулни кесиб ўтган барча электр симлари хавфсизлик учун ўчирилади.
Қайд этилишича, ушбу юк автомобиллари 25 ноябр соат 12:40 дан 15:00 атрофида Иштихон туман ҳудудидан ўтиши кутилмокда. Ушбу юк автомобилларига ортилган юклар давлат аҳамиятига эга ҳисобланади.
«Ушбу келтирилган ноқулайликлар учун олдиндан ўзр сўраймиз», дейилади хабарда.
