Улуғбек Қосимхўжаев Хорижий инвестицияларни жалб қилиш агентлиги директори этиб тайинланди

У халқ таълими вазири маслаҳатчиси сифатида ишлаб келаётганди.

Фото: KUN.UZ

Ҳукумат қарори билан, Улуғбек Қосимхўжаев Инвестициялар ва ташқи савдо вазирлиги ҳузуридаги Хорижий инвестицияларни жалб қилиш агентлиги директори вазифасини бажарувчи этиб тайинланди. Бу ҳақда Адлия вазирлиги юритувидаги “Huquqiy axborot” Telegram-каналида маълум қилинди.

Агентликка бунга қадар Камолов Қаҳрамон Юсуфхонович раҳбарлик қилиб келаётганди.

Улуғбек Қосимхўжаев тайинловга қадар халқ таълими вазирининг инвестиция ва грантлар жалб этиш бўйича маслаҳатчиси сифатида ишлаб келаётганди. У, шунингдек, 2020–2021 йилларда Тошкент халқаро таълим университетига ректорлик ҳам қилган.

Улуғбек Қосимхўжаев — таълимни инқирозга элтган сабаблар, “умидчилар” ва кадрлар сиёсати ҳақида

Kun.uz аввалроқ Улуғбек Қосимхўжаев ва соғлиқни сақлаш вазирининг собиқ ўринбосари Абдулла Азизов билан Ўзбекистонда ёшлар сиёсати масалаларига бағишлаб интервью ташкил қилганди.

Тайёрлаган: Илёс Сафаров

#инвестиция #Улуғбек Қосимхўжаев