Самарқанд туманига вилоят прокурори ўринбосари ҳоким бўлган.
Самарқанд вилояти ҳокимлиги ахборот хизматининг хабар беришича, бугун, 2022 йил 14 март куни Самарқанд тумани ҳокимлигида ўтказилган халқ депутатлари туман Кенгашининг навбатдан ташқари сессиясида ташкилий масала кўрилган.
Сессияда депутатлар томонидан Усмонов Сирожиддин Хайруллаевич номзоди Самарқанд тумани ҳокими лавозимига тасдиқланган.
Сирожиддин Хайруллаевич Усмонов 1979 йилда Самарқанд шаҳрида туғилган. Мазкур тайинловга қадар Самарқанд вилояти прокурорининг ўринбосари лавозимида фаолият олиб борган.
Маълумот учун, 2019 йил 30 июлдан буён Самарқанд туманига раҳбарлик қилиб келган Носир Мавлонов 2022 йил февралида президент иштирокидаги йиғилишда ишдан олинганди.
Шунингдек, бугун халқ депутатлари туман кенгаши депутатлари томонидан Нуробод туманига ҳам ҳоким тасдиқланган.
Аввалроқ Самарқанд вилоятининг Пайариқ, Оқдарё ва Булунғур туманларида ҳам янги ҳокимлар иш бошлаганди.
