Давлат божхона қўмитаси раҳбариятида ўзгаришлар рўй берди, шунингдек, бешта ҳудудда божхона бошқармаларига янги раҳбарлар, саккиз вилоятда бошқарма бошлиқларига ўринбосарлар тайинланди.
Ўзбекистон президентининг тегишли қарор ва фармойишлари билан Давлат божхона қўмитаси раҳбарияти ва бир қатор ҳудудий божхона бошқармалари раҳбариятида муҳим тайинловлар амалга оширилди. Давлат божхона қўмитаси раисининг икки ўринбосари лавозимга тайинланган, шунингдек, Қорақалпоғистон Республикаси, Наманган, Тошкент, Хоразм ва Андижон вилоятлари божхона бошқармаларида янги бошлиқлар иш бошлаган.
Илҳом Мухторов Давлат божхона қўмитаси раисининг биринчи ўринбосари лавозимига тайинланди.
У 2021 йил февралидан шу кунгача ушбу лавозимда вақтинча бажарувчи сифатида фаолият юритаётганди.
Отабек Ибрагимов Давлат божхона қўмитаси раиси ўринбосари лавозимига тайинланди. Шу кунгача у Президент Администрациясининг масъул ходими сифатида фаолият юритган.
Муталибжон Солиев бошқа ишга ўтиши муносабати билан Давлат божхона қўмитаси раиси ўринбосари лавозимидан озод этилди.
У энди Наманган вилояти божхона бошқармаси бошлиғи бўлган.
Қорақалпоғистон Республикаси божхона бошқармаси бошлиғи бўлиб хизмат қилиб келаётган Олимжон Ҳамиджанович Ҳожиматов Тошкент вилояти божхона бошқармаси бошлиғи;
Хоразм вилояти божхона бошқармаси бошлиғи вазифасида хизмат қилиб келаётган Илҳомбек Бозорбоевич Казаков Қорақалпоғистон Республикаси божхона бошқармаси бошлиғи;
Фарғона вилояти божхона бошқармаси бошлиғининг биринчи ўринбосари вазифасида хизмат қилиб келаётган Мақсудбек Раҳимберганович Қиличов Хоразм вилояти божхона бошқармаси бошлиғи;
Тошкент шаҳар божхона бошқармаси бошлиғининг биринчи ўринбосари вазифасида хизмат қилиб келаётган Бахтиёр Шавкатович Муратов Андижон вилояти божхона бошқармаси бошлиғи лавозимига тайинланди.
Тошкент шаҳар божхона бошқармасининг «Арк булоқ» ташқи иқтисодий фаолият божхона пости бошлиғи вазифасида хизмат қилиб келаётган Ғайрат Фарҳодович Носиров «Тошкент-АЭРО» ихтисослаштирилган божхона комплекси бошлиғи этиб тайинланди.
Шунингдек, Давлат божхона қўмитаси раисининг шахсий таркиб бўйича навбатдаги буйруғига биноан, бир қатор ҳудудий божхона бошқармалари бошлиқларига ўринбосарлар тайинланди.
Нурмухамед Жамгирбаевич Османов Бухоро вилояти божхона бошқармаси бошлиғи ўринбосари этиб тайинланди.
Эркин Исматиллоевич Раҳматов Навоий вилояти божхона бошқармаси бошлиғи ўринбосари этиб тайинланди.
Илҳом Оралбаевич Сейдеметов Самарқанд вилояти божхона бошқармаси бошлиғи ўринбосари этиб тайинланди.
Соҳибжон Олимжонович Қурбонов Бухоро вилояти божхона бошқармаси бошлиғи ўринбосари этиб тайинланди.
Акмалжон Маҳкамович Ҳасанов Фарғона вилояти божхона бошқармаси бошлиғи ўринбосари этиб тайинланди.
Нодирбек Ноҳиджонович Усмонов Андижон вилояти божхона бошқармаси бошлиғи ўринбосари этиб тайинланди.
Ботирали Собиржонович Толипов Андижон вилояти божхона бошқармаси бошлиғи ўринбосари этиб тайинланди.
Жавлонбек Саъдуллаевич Давлетов Жиззах вилояти божхона бошқармаси бошлиғи ўринбосари этиб тайинланди.
