Испания футбол федерацияси истеъфога чиқарилган Луис Энрике ўрнига янги бош мураббий номини эълон қилди.
Фото: Reuters
Унга кўра, Луис де ла Фуэнте Испания миллий жамоасининг янги устози сифатида таништирилди. 61 ёшли мутахассис бунгача ўсмирлар ва ёшлар жамоаларидаги фаолияти билан танилган. У ЖЧ-2022 якунидан кейин ўз лавозимига киришади.
Қайд этиш жоиз, де ла Фуэнте қўл остида Испания Токио-2020 Олимпиадасида кумуш медалларига эга чиққанди.
Маълумот учун, испанлар янги мураббий қўл остидаги дастлабки учрашувларни Евро-2024 саралаш босқичи доирасида март ойида ўтадиган Норвегия ва Шотландияга қарши ўтказади.
