Вазирлар Маҳкамасининг “Қўшилган қиймат солиғи тўловчиларини солиқ органларида қўшилган қиймат солиғи бўйича махсус рўйхатдан ўтказиш тартиби такомиллаштирилиши муносабати билан ҳукумат айрим қарорларига ўзгартириш ва қўшимчалар киритиш тўғрисида”ги қарори лойиҳаси эълон қилинди.
Ҳукумат айрим қарорларига қуйидагиларни назарда тутувчи ўзгартириш ва қўшимчалар киритилмоқда:
қонунчиликда белгиланган айрим лицензия турлари талаблари бузилганда ҚҚС гувоҳномасини тўхтатиш учун асос бўлиши;
нефть, газни (сиқилган табиий ва суюлтирилган углеводород газини) ва газ конденсатини қазиб олиш, қайта ишлаш ҳамда реализация қилиш фаолияти учун берилган лицензия талабларига 1 ходим бирданига 2 та лавозимда ишлаши мумкин эмаслиги, автоматлаштирилган ҳисобга олиш ўлчов воситаларини солиқ органлари ахборот тизимлари билан интеграция қилинишини таъминлаш лозимлиги.
Лойиҳани қабул қилиш натижасида интизомли солиқ тўловчилар фаолиятини қўллаб-қувватлаш, барча хўжалик юритувчи субъектлар учун тенг рақобат шароитларини яратиш, солиқ хавфи юқори даражада бўлган контрагентлар билан операцияларни (битимларни) амалга оширишни чеклаш таъминланади.
