“Биринчи синфда ўқийдиган боласи “Менинг жигаримни олиб дадамга беринглар!” деб йиғлайди” – ўзи етим ўсган беморнинг фарзандлари ҳам етим бўлмасин

Боласидан хабар олиб турса-да, доим ёнида бўлолмагани онаизорнинг қалбини тимдалайди. Фарзандига кўмаклашиш учун топганига дориларини олиб беришга ҳаракат қилади. Лекин оғир дард олдида, нафақа пуллари ҳеч нарса бўлмай қоляпти.

{Yii::t(}

Ўтказиб юбориш 6s

Ўтказиб юбориш

“Аввалига нима бўлаётганига тушунмадик. Бир-икки даволанди, лекин яна мазаси бўлмай қолаверди. Қон қусиб, ҳушидан кетди. Аппаратларга тушириб текширишди. Жигар циррозининг охирги босқичи экани аниқланди.

Даволаняпти-ю, ҳатто томирига дори ҳам кетмаяпти. Докторлар Ҳиндистоннинг ҳаракатини қилинг, дейишяпти. Биринчи синфда ўқийдиган ўғли, “Бувижон, дадамга менинг жигаримни қўйишсин, дадам тузалсин”, деб этагимга осилиб йиғлайди.

Кичкина қизчаси ҳам бор. Дадангга тегинманглар, десак ҳам келиб дадасига ёпишаверади. Шуларнинг тақдирини ўйлаб болам шўрлик икки ҳисса эзилади. Охирги ётганида дориларини ҳам насияга олдик. Лекин аҳволи кундан кунга оғирлашяпти. “Ҳиндистонга тезроқ обормасангиз бўлмайди, кечиктиравермай тезроқ олиб боринглар, энди борган сари аҳволи оғирлашади”, дейишяпти.

Она бўлиш осон эмас экан. Юрсамам, турсамам хаёлимда фақат шу болам. Кечаси билан йиғлаб дуо қилиб чиқаман”, дейди онаизор кўз ёшларини тиёлмай.

“Кўнглимдан ўтганларини айтиб беролмайман. Болам менга ўхшаб қийналмасин, етим бўлмасин, дейман. Инсонларга ўхшаб яшагим келади. Карантинда қон кетиб қаттиқ қийналдим. Қизилўнгачимни беш марта тикишди. Охирги марта қон кетганда бўлди энди тикмаймиз, фойдаси йўқ, дейишди.

Нон, қуюқ овқатлар умуман мумкин эмас. Фақат шўрванинг сувини ичаман. Онам билан укам рўзғоримга қарашиб туришади. Аёлим мени парвариш қилади. Ҳар қон кетганда ҳушимдан кетаман. Қийналиб кетдим. Дори ичмай куним ўтмайди”, дейди Умиджон ўкинч билан.

Умиджон Султоновга оид маълумотлар:

Ўзкард: 8600 0610 2147 9091 Умиджон Султонов номида

Сбербанк: 2202 2032 4201 8374 аммаси Фарида Хазиева номида

Манзил: Фарғона вилояти, Бувайда тумани, Юқори Манғит қишлоғи 50-уй