Қозоғистон маданият вазири Ўзбекистонга келмоқда

19 декабр куни Қозоғистон маданият ва спорт вазири Даурен Абаев Тошкентга ташриф буюради. Ташриф доирасида Тасвирий санъат миллий галереясида «Абай. Қардош халқлар мероси» кўргазмасининг очилиш маросими бўлиб ўтади. 

Туризм ва маданий мерос вазирлиги матбуот хизмати хабар беришича, тадбирда Ўзбекистон Республикаси Бош вазир ўринбосари - Туризм ва маданий мерос вазири Азиз Абдуҳакимов ҳамда Даурен Абаев иштирок этади.

Шунингдек, Қозоғистон элчихонасида адиб ҳайкали пойига гул қўйиш маросими ўтказилади.