Бухоро шаҳри Ислом Каримов кўчасида Street Food гастрономик кўчаси ташкил этиляпти.
Фото: Dunyo
Кўча Вазирлар Маҳкамасининг «2022–2026 йилларда Бухоро вилоятида туризм соҳасини янада ривожлантириш чора-тадбирлари тўғрисида»ги қарорига мувофиқ амалга оширилмоқда.
Гастрономик кўча узунлиги 820 метр бўлиб, хизмат ва савдо шохобчалари сони 36 тани ташкил этади, шундан 9 таси умумий овқатланиш шохобчалари ҳисобланади.
Хусусан, куни кеча ресторанлардан бири ўз фаолиятини бошлади. Ресторан миллий ва европа таомларига ихтисослашган бўлиб, 200 кишига мўлжалланган. Ресторанда ҳалол сертификатини олиш борасида ишлар бошланган.
Гастрономик кўчада 22 та дўкон ва 50 та кўчма савдо шохобчалари қурилиши режалаштирилган.
