Байден 847 миллиард долларлик мудофаа бюджетини имзолади

Унда Украина билан Тайванга ҳарбий ёрдам бериш ҳам назарда тутилган.

Фото: Getty Images

АҚШ президенти Жо Байден 2023 молия йили учун 847,3 миллиард долларлик мудофаа бюджетини имзолади. Бу ҳақда Оқ уй сайти хабар берди.

Ушбу маблағнинг 800 миллион доллари Украинага ёрдам бериш учун ажратилган. 6 миллиард доллари Россияни Европада тийиб туриш учун сарфланмоқда. 10 миллиард доллар Тайванга ҳарбий ёрдамга юборилади.

Ҳужжатда Россияни халқаро ташкилотлар, жумладан, G20 аъзолигидан маҳрум қилиш, Россия билан олтин битимларини тузганлик учун санкциялар ва Россия билан ҳарбий соҳада ҳамкорликни тақиқлаш муддатини беш йилга узайтириш кўзда тутилган. Шунингдек, Москва билан ракетага қарши мудофаа тизимлари бўйича маълумот алмашишни доимий тақиқлаш ҳам кучга киради.

АҚШ Конгресси 7 декабр куни ушбу мудофаа бюджети лойиҳасини тасдиқлаган эди.