Украиналик миллиардер Константин Жеваго 27 декабр куни Франциянинг Куршевел шаҳридаги меҳмонхонада Украина Давлат тергов бюроси талабига биноан қўлга олинди. Киев унинг экстрадициясини талаб қилмоқчи ва керакли ҳужжатларни тайёрламоқда.
Жеваго - Олий Раданинг собиқ депутати, Украинанинг банкрот бўлган «Финансы и Кредит» банкининг собиқ эгаси ва Куршевел гиганти Ferrexpo корхонасининг асосий акциядори. У Украинанинг энг бой миллиардерларидан бири. Forbes рейтингига кўра, Жевагонинг соф бойлиги 1,3 миллиард долларга баҳоланмоқда, бу унга энг бой украиналиклар рўйхатида Ринат Ахметов ва Виктор Пинчукдан кейин учинчи ўринни эгаллаш имконини беради.
Жеваго сўнгги йилларда Лондон ва Дубайда яшаган ва Украинада кўринмаган. Тадбиркор 2015 йилда банкрот бўлган «Финансы и Кредит» банкидаги эҳтимолий фирибгарлик бўйича тергов олиб борилаётган пайтда Украинани тарк этган эди. У 113 миллион долларни ўзлаштирганликда айбланган. 2021 йилда Интерпол Киев илтимосига кўра тадбиркорни халқаро қидирувга берган эди.
