Йоахим Гаук: Украина - Россия агрессиясининг яққол қурбони

Германия собиқ президенти Йоахим Гаук Россия агрессиясидан ўзини ҳимоя қилаётган Украинани аниқ ва қатъий қўллаб-қувватлашга чақирди. «Ушбу урушда тажовузкор ва қурбон бор, бу - ҳаётда ҳар икки томон ҳам қандайдир тарзда можарода айбдор бўлиши билан боғлиқ тез-тез содир бўладиган нарса эмас. Албатта, айбдор ва жабрланувчи бор», деди Гаук Ростокдаги христиан-экуменик жамиятининг Европа ёшлар конференциясида.

«Тўғри сиёсат ҳужум қурбонини қўллаб-қувватлайди», деди Германиянинг собиқ президенти. Унинг таъкидлашича, сиёсий пацифизм унга қийин бўлиб туюляпти. «Пацифизм индивидуал қарор сифатида ҳурмат ва шарафга лойиқдир. Аммо қурбон ва жиноятчи аниқ бўлса ҳам, позицияни эгаллашга журъат эта олмайдиган пацифизм сиёсати мен учун на ахлоқий, на диний томондан тушунарсиз», - деди Гаук.

Германия собиқ президентининг сўзларига кўра, у ҳужум қурбонини кучли қўллаб-қувватлаш тарафдори. «Шунинг учун ҳукуматимиз позицияни эгаллагани ва президент Франк-Валтер Штайнмайер биз дуч келаётган ёвузлик ҳақида гапирганидан миннатдорман. Шу билан бирга, мен бироз кўпроқ нарсани қилишимиз мумкинлигига ишонадиганлардан бириман. Ҳужум қурбонини қўллаб-қувватлаш лозим», — деди Йоахим Гаук.