Кичик тадбиркорлик (бизнес)нинг ялпи ички маҳсулотдаги улуши қанча экани тўғрисида маълумот берилди.
Давлат статистика қўмитаси кичик тадбиркорлик (бизнес)нинг ялпи ички маҳсулотдаги улуши ҳақида маълумотларни эълон қилди.
Қўмита ахборотига кўра, 2022 йилнинг январь-сентябрь ойларида кичик тадбиркорлик (бизнес)нинг ялпи ички маҳсулотдаги улуши 52,8 фоизни ташкил этди.
Бундан олдин хизматлар соҳасининг ялпи ички маҳсулотдаги улуши ошганди.
2022 йил январь-сентябрь ойларида хизматлар соҳасининг ялпи ички маҳсулот (ЯИМ)даги улуши 40,3 фоизни ташкил этди.
Давлат статистика қўмитаси маълумотларига кўра, бу кўрсаткич ўтган йил мос даврида 39 фоизни ташкил этган эди.
Таққослаш учун, жорий йилда хизматлар соҳаси ялпи ички маҳсулотдаги улуши ўтган йилнинг мос даврига нисбатан 1,3 фоизга ошган.
