Пентагон Соледар россияликлар томонидан эгалланганини тасдиқламади

АҚШ Мудофаа вазирлиги Соледар Россия кучлари томонидан қўлга олинганини тасдиқламади. Бу ҳақда Вашингтондаги брифингда Пентагон матбуот котиби генерал Патрик Райдер маълум қилди.

Фото: Picture Alliance

«Биз аниқ биламизки, украиналиклар Соледар яқинида ҳарбий амалиётларни давом эттирмоқда», — дея қўшимча қилди Пентагон вакили.

Шунингдек, у Пентагон Москванинг Украинага Беларус ҳудудидан ҳужум қилишга тайёрланаётгани аломатларини кўрмаётганини таъкидлади.

Россия кучларининг Соледар тўлиқ эгаллаб олингани ҳақидаги баёнотлари ҳақиқатга тўғри келмайди, деб хабар берди Украина Қуролли кучларининг Шарқий гуруҳи вакили Сергей Череватий «Суспильне» телеканалига берган интервьюсида.

«Россияликлар Соледар уларнинг назорати остида эканини айтишяпти, бу ҳақиқат эмас. Тафсилотлар Бош штаб хулосасида, кутинг», - деб маълум қилди у.

Ўз навбатида, Украина Қуролли кучларининг Стратегик алоқа бошқармаси Евгений Пригожиннинг «Вагнер» ХҲКнинг россиялик ёлланма аскарлари Соледар бутун ҳудудини назорат қилаётгани ҳақидаги баёнотини ёлғон маълумот ва психологик операция деб атади.