Ўзбекистон ва БАА товар айирбошлаш ҳажмини ошириш юзасидан келишувга эришди

Ўзбекистон ташқи ишлар вазири вазифасини бажарувчи Бахтиёр Саидов Бирлашган Араб Амирликлари элчиси Саид Матар Ал-Қамзий билан учрашди.

Фото: Dunyo

Аввал эришилган келишувлар ижроси юзасидан фикр алмашилди ҳамда икки томонлама тадбирлар жадвали келишиб олинди.

Ташқи ишлар вазирликлари ўртасидаги мулоқотни, жумладан, вазирликлараро маслаҳатлашувлар орқали мунтазам давом эттириш муҳимлиги таъкидланди.

Ўзбекистон ва БАА ўртасидаги товар айирбошлаш ҳажмини ошириш ва унинг таркибини диверсификация қилишга қаратилган қўшма чора-тадбирларни амалга ошириш юзасидан келишувга эришилди.