Алламжонов Meta компанияси вице-президенти билан учрашди

Учрашувда Ўзбекистон ва Meta компанияси ҳамкорлиги доирасида амалга ошириладиган лойиҳалар муҳокама қилинди.

Фото: Комил Алламжонов

Ўзбекистон Республикаси президенти администрацияси раҳбарининг ўринбосари Комил Алламжонов Meta компаниясининг Осиё-Тинч океани минтақаси давлат сиёсати бўйича вице-президенти Саймон Милнер ҳамда компаниянинг бошқарувчи директори, Хитой, Мўғулистон ва Марказий Осиё мамлакатлари давлат сиёсати масалалари бўйича раҳбари Жорж Чен билан учрашди.

Учрашувда Ўзбекистон ва Meta компанияси ҳамкорлиги доирасида амалга ошириладиган лойиҳалар муҳокама қилинди.

Meta Platforms Inc. — Американинг трансмиллий ҳолдинг компанияси бўлиб, қароргоҳи Калифорнияда жойлашган. У Facebook, Instagram, WhatsApp ва Oculus’га эгалик қилади.

«Facebook ва Instagram платформалари жамоатчилик фикр билдирадиган, муаммолар ўртага ташланадиган, баҳс ҳамда фикрлар майдонига айланди. Уларнинг мавжуд имкониятлари эса кундан-кунга кўпайиб бормоқда. Самимий ва дўстона ҳурмат учун Саймон Милнерга, ва айниқса, дўстим Жорж Ченга катта раҳмат», деб ёзди Алламжонов учрашув ҳақида.