5 та автобус ва 10 та йўналишли такси бекатлари Қўйлиқ бозоридан Food city савдо мажмуасигача узайтирилади

Тошкент шаҳридаги Қўйлиқ деҳқон бозори атрофидаги тирбандликларнинг олдини олиш ва Фарғона йўли кўчасини Бектемир шоссеси билан боғловчи йўлўтказгич қуриш ҳамда йўл-таъмирлаш ишлари олиб борилаётганлиги сабабли 10 февралдан бошлаб, бир қанча автобус ва йўналишли таксиларнинг қатнови узайтирилади.

Жумладан, Қўйлиқ деҳқон бозори орқали ҳаракатланувчи 39-, 45-, 110-, 122-, 130-сонли автобус йўналишлари ва 8И, 9И, 25М, 61М, 55М, 73М, 99М, 170М, 191М, 195М йўналишли таксилар ҳаракати Food City савдо мажмуаси автошоҳбекатигача узайтирилади.

Бундан ташқари, Food City савдо мажмуаси маъмурияти томонидан йўловчиларга қўшимча қулайликлар яратиш мақсадида, Food City - Қўйлиқ 7-метро бекати йўналишида ҳаракатланувчи 6 та жадвал асосида бепул автобус йўналиши ҳаракати йўлга қўйилади.