Қўшимча функционаллар
-
Тунги кўриниш
Бухородан Тошкентга олиб кетилаётган 1 тонна гўшт йўқ қилинди
Ушбу гўшт лаборатория хулосасига кўра истеъмолга яроқсиз, деб топилган ва ёқиб юборилган.
Фото: Навоий вилояти ИИБ
Навоий вилоятида эпизоотик ва эпидемик вазиятни барқарорлаштириш борасида вилоят ИИБ ЖХХ ЖТСБ Карантин тадбирларини таъминлаш гуруҳи ҳамда ветеринария хизмати ходимлари билан ҳамкорликда 14 март куни тезкор тадбир ўтказилган. Тадбир давомида истеъмолга яроқсиз бўлган гўшт маҳсулоти аниқланган.
Маълум қилинишича, Кармана туманидаги «Самарқанд» ЙПХ масканида «Бухоро-Тошкент» йўналишида ҳаракатланиб келаётган, Қоракўл туманида яшовчи, 1976 йилда туғилган фуқаро У.Б. бошқарувидаги Gazel юк машинаси кўздан кечирилган. Машина юкхонасида ветеринария-санитария ҳужжатларсиз, суякдан ажратилган, йирик шохли молга тегишли бўлган 1000 кг гўшт маҳсулотлари борлиги аниқланган.
Ушбу гўшт маҳсулотлари Навоий вилояти ҳайвонлар касалликлар ташхиси ва озиқ-овқат маҳсулотлари хавфсизлиги маркази экспертиза лабораторияси хулосасига кўра, истеъмолга яроқсиз экани маълум бўлган ҳамда ёқиш йўли билан йўқ қилинган.
Ҳозирда ҳолат юзасидан суриштирув ишлари олиб борилмоқда.
Мавзуга оид
15:24
Тадбиркор Тимур Мусин Тошкентдаги “Палов музейи” ва Caravan ресторанларини сотувга қўйди
14:12
Умумий овқатланиш тармоқлари пешлавҳалар олиб ташланаётгани бўйича мурожаат билан чиқди
14:42 / 20.04.2026
Ўзбекистонликларга мартда гўшт ва сут ҳамда энергетика маҳсулотлари қимматлашгани энг кўп сезилди
20:10 / 18.04.2026