Украина 82 нафар ҳалок бўлган аскарнинг жасади қайтарилганини эълон қилди

Украина 82 нафар ҳалок бўлган аскарнинг жасадини қайтариб берди, дея маълум қилди вақтинчалик оккупация қилинган ҳудудлар реинтеграцияси вазирлиги.

Иллюстратив фото

«Украинанинг вақтинча оккупация қилинган ҳудудларидан жасадларни топшириш Реинтеграция вазирлиги ҳузуридаги бедарак йўқолганлар бўйича комиссар бошқармаси кўмагида ҳуқуқ-тартибот идоралари билан ҳамкорликда амалга оширилди», — дейилади Telegram-каналдаги хабарда.

Қайд этилишича, жасадларни қайтариш жараёни Женева конвенцияси нормаларига мувофиқ амалга ошириляпти.

Россия томони алмашинув ҳақида маълумот тақдим этмади ва Украина вазирлиги баёнотига изоҳ бермади.