Машина болани у кўчани кесиб ўтаётганда уриб юборган.
Видеодан кадр
Иштихон туманидан ўтувчи 4Р-48 автомобил йўлининг 54-километрида одам ўлими билан боғлиқ йўл-транспорт ҳодисаси содир бўлган.
Самарқанд вилояти ИИБ ЙҲХБ ахборот хизматининг хабар беришича, ҳодиса 2023 йил 26 апрел куни соат 17:00 ларда юз берган.
Lacetti машинаси йўлни кесиб ўтаётган 2018 йилда туғилган болани уриб юборган. Оқибатда оғир тан жароҳатлари олган 5 ёшли бола шифохонада вафот этган.
