Лондон: Россияда янги ҳужумкор авиагуруҳ ташкил этиляпти

Буюк Британия Мудофаа вазирлигининг ҳарбий разведка маълумотларига таяниб ёзишича, Россия, катта эҳтимол билан, Украина ҳудудида ҳаракат қиладиган янги ҳужумкор авиагуруҳни яратмоқда.

Фото: Сергей Савостьянов / ТАСС

«Шторм» шартли номини олган ушбу бўлинма таркибига камида битта эскадрилья Су-24 ва Су-34 қирувчи-бомбардимончи самолётлари, шунингдек, ҳужумкор вертолётлар эскадрильяси кириши мумкин.

Бу комбинация, Британия разведкасига кўра, «Шторм» гуруҳи қуруқликдаги нишонларга зарба беришда катта роль ўйнашини кўрсатади.

Шунингдек, Россия Федерацияси Мудофаа вазирлиги юқори малакали учувчиларни жалб қилишга уринаётгани, уларга катта пул маблағини таклиф қилаётгани, шунингдек, захирада бўлган учувчилар учун иш жойи очаётгани таъкидланмоқда.