Jetour дунё бўйлаб 700 000 мижоз ишончини оқлади

Ҳозирги кунда оилавий кроссоверлар синфини тақдим қилаётган Jetour автомобиллари дунё бўйлаб 700 000 мижознинг ишончини оқлашга аллақачон улгурди.

Фото: Jetour

Замонавий, тежамкор бензин двигателли, қулайлик ва ҳашамат борасида етакчи автомобиллар ҳар доим автоишқибозлар эътиборини тортади. 2021 йил сентябр ойида Ўзбекистон автомобиль бозорига расман кириб келган Jetour брендига тегишли автомобиллар бу хусусиятларнинг барчасига эга. Хитойнинг йирик автомобиль концернлари билан ҳамкорликда ишлайдиган "Auto Motors Asia" компанияси Jetour автомобилларининг бир нечта моделларини юртдошларимизга тақдим этмоқда.

Юртдошларимиз орасида севиб харид қилинаётган Jetour автомобиллари Ўзбекистонда ҳам 5000 дан ортиқ мижозларга сотилди. Айниқса кетма-кет Хитой брендлари ичида биринчиликни бермай келаётган Jetour Х70 Plus, Jetour Х90 Plus ва Jetour Dashing моделлари ўзининг қулайлиги ва чиройли дизайни билан юртдошларимиз орасида севиб харид қилинмоқда.

2023 йилда Ўзбекистон бозорига кириб келган Dashing модели ҳам бошқа кроссоверлардан тубдан фарқ қилувчи дизайни билан юртдошларимиз орасида шов-шувга айланди.

Jetour бренди ўзининг 5 йиллик ёки 150.000 км кафолат бериладиган автомобиллари ҳамда оилавий кроссоверлари билан халқимиз эътиборини қозона олди.

Ҳозирги кунда нафақат пойтахтимиз Тошкентда, балки бошқа вилоятларда ҳам филиаллар ва сервис марказлари очилиб, юртдошларимизга қулайликлар яратилмоқда.