Тошкентда қулаб тушган хонадон девори орасида қолиб кетган 2 ёшли бола қутқарилди

Тошкент шаҳрининг Мирзо Улуғбек туманида икки ёшли бола қулаб тушган хонадон деворлари орасида қолиб кетди. Фавқулодда вазиятлар бўлими қутқарувчилари ёрдами билан бола ҳаёти сақлаб қолинди. 

Фавқулодда вазиятлар вазирлиги хабарига кўра, Бугун, 15 июнь куни соат 12:14 да Тошкент шаҳар ФВБга Мирзо Улуғбек тумани «Олий Ҳиммат» МФЙда жойлашган уйларнинг бирида қурилиш мақсадида қазиш ишлари олиб борилаётган вақтда уйнинг бир қисми бузилиб кетганлиги ва қулаган девор остида 2 ёшли қизалоқ қолиб кетганлиги тўғрисида ташвишли хабар келиб тушган.

Зудлик билан воқеа жойига ФВВ қутқарувчилари етиб бориб, қизалоқни олиб чиқишган ва зарурий тиббий ёрдам учун шифокорларга топширишган.  Ҳозирда қизалоқнинг аҳволи яхши экани айтилади.

Ҳодиса оқибатида ҳалок бўлганлар йўқ.