Херсон областида сув чекинмоқда, Бахмут атрофида жанглар давом этмоқда. Уруш суратлари

Украинадаги урушнинг 480-куни ўтди. Асосий маълумотлар:

• Евгений Пригожин «Вагнер» ХҲК билан шартномаси якунлангани туфайли 32 минг собиқ маҳбус уйга қайтгани ҳақида хабар берди. РФ президенти Владимир Путин 2023 йил ёзида Украинада жанг қилишга розилик билдирган маҳбусларни афв этиш тўғрисидаги фармонга имзо чекканини тасдиқлаганди.
• Евроиттифоқ Украинага қурол етказиб беришни тезлаштиришни ваъда қилди. Ички бозор масалалари бўйича комиссар Тиерри Бретон келгусидаги қўллаб-қувватлов Украина қуролли кучларининг жанг майдонидаги муваффақиятларига боғлиқ бўлмаслигига ишонтирди.
• Белгород области губернатори Вячеслав Гладков сўнгги бир кун давомида регион ҳудудига турли турдаги 120 та снаряд билан зарбалар йўлланганини хабар қилди.
• Петрозаводск шаҳри мэри «Ахмат» батальонига кўнгилли сифатида йўл олганини маълум қилди.
• Роман Абрамович «Челси» сотувидан тушган 2,3 миллиард фунтни Украинага беришдан бош тортган, деб хабар бермоқда Daily Mail таблоиди. Нашр маълумотларига кўра, бизнесмен маблағ урушдан жабрланган россияликлар ва украиналикларга тенг тақсимланишини истамоқда.

Куннинг асосий фотосурати. Оккупация остидаги Гола Пристанда Каховка ГЭСдаги вайронгарчилик оқибатлари 

Украина қуролли кучларининг Бахмут атрофидаги юриши